SÉANCE 22 COURS DE DIOULA

1. LÉÇON 22 : KALANSEN MUGAN NI FILANAN

1.1. BARO TANNAN/THEME 11 : be a tericɛ Youssouf ya foro la la b’a fɛ ka kusɛnɛ dege a tericɛ YOUSSOUF fɛ.

Contexte de communication

O mɔgɔ fila taga la foro la ɲɔgɔn fɛ. YOUSSOUF ya foro yɔɔrɔ ka jan dugu la. Nka o ka sira bɛɛ kɛ o sen na. O ya tagama ka miniti bisaba ɲɔgɔn bɔ.

  • Arrivés au champ (o senin foro la)

N teri, n sɛgɛ la kojugu. I ya foro yɔɔrɔ ka jan dɛh !

Ile ko ten wa? Ne be sira nin tagaman lon o lon. N dege la tagaman na

A ma nɔgɔ ne bolo dɛh. An tun ka kan ka nan yan moto kan

Nka moto tɛ ne bolo oh. Bolifen tɛ ile fana bolo

An tun be se ka Moussa ya moto ta

Hee Kelly, a ka ɲi ten. Fagobagatɔya kuman dabila. An se la foro la kaban

N ka a mɛn nka n tena se ka i dɛmɛn tugun sabu n sɛgɛ la kojugu

I bena kusɛnɛ dege cogo di ni i t’a fɛ ka baara kɛ?

Baara damina, n bena i baarakɛcogo filɛ dɔrɔn. Lon gbɛrɛ, n bena i dɛmɛn

Walaye, n nimisa la Kelly. I nan na sigi dɔrɔn ka n filɛ wa?

O tɛ, tagaman le ka n sɛgɛ

N ka a famu. N baarakɛcogo filɛ kanyan dɛh!

N ka a mɛn. N teri, n b’a fɛ ka fen kelen famu : Ni i se la foro la oh, i be mun kɛ fɔlɔ ?

Ni n se la foro la, n ya baara fɔlɔ ye ka yaala foro yɔɔrɔ bɛɛ ka a filɛ ni kow ka nyi. O kɔfɛ, n be se ka n ya terekɔnɔ baara damina

An bena baara jumɛn kɛ bi?

Bi baara ma ca. An bena kufɛrɛnw do dugu la dɔrɔn/An bena kufɛrɛw turu tugunw la dɔrɔn

O ka nɔgɔ ko jugu. N bena n lafiyɛn dɔɔni ka sɔrɔ ka baara damina

Basi tɛ, ne bena baara damina sisan sisan

  • Quelques heures plus tard (Lɛɛri daman daman timinin kɔfɛ)

Bi baara kɔfɛ, an bena mun kɛ lon gbɛrɛ ?

Lon gbɛrɛ, an bena binjuguw bɔ foro la walasa kuw be fɛrɛn kanyan

O kɔfɛ do?

An bena a to kuw be kɔgɔ kanyan. Ni o kɔgɔ la, an be se ka o bɔ k’o feere walima k’o domun

Ku be kalo joli kɛ kasɔrɔ ka kɔgɔ kanyan?

Kusɛnɛla ma kan ka kɔrɔtɔ. Ku be se ka kalo seegi waliman san kelen ɲɔgɔn kɛ dugukolo la n’i b’a fɛ a be kɔgɔ kanyan

Ola, annugu bena nan foro la siyɛn joli kalo kɔnɔ ?

Siyɛn saba walima siyɛn naani

A bena bɛn. Nka an ka kan ka borifen ɲini siyɛn gbɛrɛ

Ni Allah sɔn na, n bena moto kelen san kalo nanta